የተስፋ የአምስት ዘጋቢ ፊልሞች ስብስብ ሲሆን፣ ፊልሞቹም ግለሰቦች እና ድርጅቶች| በኤድስ ዙሪያ ያለውን ዝምታ ለመስበር፣ መገለልን ለማስወገድ፣ እንዲሁም የቫይረሱን ስርጭት ለመከላከል የሚያደርጉትን ጥረቶች ያሳያሉ፡፡ በፊልሞቹ አማካይነት፣ ኤድስን በመከላከል ተግባር ላይ የተሰማሩ ልበ ቀናዎችን| ፣የቤተሰብ አባላትን፣ ለሰብአዊነት ያደሩ ቡድኖችን፣ እንዲሁም እንክብካቤ የሚያደርጉ የጤና ባለሙያዎችን ደፋ ቀና ሲሉ እናገኛቸዋለን፡፡ አንዳንዶቹ፣| የድጋፍ አገልግሎት በማበርከት ስራ ላይ የተሰማሩ ሲሆን ሌሎቹ ሁሉም ስለኤድስ ያለው አጠቃላይ እውቀት ይበልጥ እንዲዳብር ዘወትር የሚተጉ ናቸው፡፡ ሁሉም ዘጋቢ ፊልሞች፣ የተስፋን እና| ሰዎችን የማብቃት መልእክት በውስጣቸው ይዘዋል፡፡ ተከታታይ ፊልሞቹ ፣ ኤድስ በአፍሪካ ከሚገለፅበት የተለመደ መንገድ ወጣ በማለት፣ ኤች አይቪ በደማቸው ያለባቸው ግለሰቦች በቀን ተቀን ህይወታቸው የሚያሳልፏቸውን ልዩ አጋጣሚዎችን እና ኩነቶችን ይዘግባሉ፡፡ወላጆቻቸውን ያጡ ህጻናት በህይወት ባለ የቤተሰብ አባል ወይንም ህጻናት ማሳደጊያ ውስጥ ህይወትን ሲገፉ ፊልሞቹ ያሳያሉ፡፡ወጣቶች፣ ድራማና | ስነ ግጥምን የመሳሰሉ ስልቶችን በመጠቀም እኩዮቻቸውን ሲያስተምሩ፣ በወሲብ ንግድ ላይ የተሰማሩ ሴቶች ኮንዶምን በተመለከተ እርስ በርስ ሲማማሩ እና ደንበኞቻቸውን ሲያስተምሩ፣ እንዲሁም የድጋፍ አገልግሎት ባለሙያዎች ከበጎ ፍቃድ አገልግሎት ሰጪዎች ጋር ተጣምረው ሲሰሩ ፊልሞቹ ያሳያሉ፡፡ እነዚህን ግላዊ የሰዎች ታሪክ በማቅረብ፣ የዘጋቢ ፊልሞቹ ባለቤቶች፣ ኢትዮጵያዊያንን ብቻ ሳይሆን በሌሎች ሀገር ያሉ ሰዎቸን ጭምር ኤድስን በመዋጋት ስራ ላይ እንዲተጉ ለማነሳሳት ይረዳሉ ብለው ያምናሉ፡፡ ተከታታይ ፊልሞቹ፣ ሰዎች ቫይረሱ በደማቸው ላለባቸው ግለሰቦች የሚሰጡትን አገልግሎት በበለጠ ፍቅር እንዲሰሩት የማድረግ አላማም አላቸው፡፡ ከዚህም በተጨማሪ፣ ከኤድስ ጋር በተያያዘ፣ ማህበራዊ ፍትህን እና ሰብአዊ ክብርን ለማስገኘት ደፋ ቀና የሚሉ ሰዎችን ሁሉ አይዟችሁ ማለት እንፈልጋለን፡፡ የእንግሊዘኛ ትርጉም ያላቸውን እነዚህን በአማርኛ የተሰሩ ፊልሞች በአማርኛ ትረካ ብቻ ማግኘትም ይቻላል፡፡

የተከታታይ ፊልሞቹ ግብ እንዲሁም ተስፋ

የኛ የፊልሙ ባለቤቶች ዋና አላማ፣ ኤድስ | በአፍሪካ ከሚገለጽበት መንገድ ወጣ ብለን ፣ለተመልካቾቻችን አዲስ እይታ ማቅረብ ነው፡፡ተከታታይ ፊልሞቹ ፣ ኤድስ ለወትሮው ከሚገለፅበት የተለመደ መንገድ ወጣ በማለት፣ ኤች አይቪ በደማቸው ያለባቸው ግለሰቦች በቀን ተቀን ህይወታቸው የሚያሳልፏቸውን ልዩ አጋጣሚዎችን እና ኩነቶችን| በመዘገብ፣| ወላጆቻቸውን ያጡ ህፃናት በጎረቤት እርዳታ ሲያድጉ በማሳየት፣| ወጣቶች፣ ድራማና| ስነ ግጥምን የመሳሰሉ ስልቶችን በመጠቀም እኩዮቻቸውን ሲያስተምሩ በማሳየት ፣ በወሲብ ንግድ ላይ የተሰማሩ ሴቶች ኮንዶምን በተመለከተ| ደንበኞቻቸውን ሲያስተምሩ በማሳየት ፣ ኢትዮጵያውያንን ብቻ ሳይሆን በተቀረው አለም የሚኖሩ ሰዎችም| ኤች አይ ቪ ኤድስን በመከላከል ስራ ላይ እንዲሰማሩ፣ ማህበራዊ ፍትህን እና ሰብአዊ ክብርን ለማምጣት በሚደረገው ትግል ላይ አስተዋፅኦ እንዲያደርጉ ማነሳሳት ይቻላል ብለን እናምናለን፡፡ አምስቱም ዘጋቢ ፊልሞች አንድ ላይ ሆነው የተዘጋጁበት ቅጂ ከሁለት መቶ ለሚበልጡ ኢትዮጵያውያን የማህበረሰብ ቡድኖች እንዲሁም መንግስታዊ ያልሆኑ ድጅቶች ተሰራጭተዋል፡፡ እነዚህም ድርጅቶች ተከታታይ ፊልሞቹን ስለ ኤድስ ያለውን የማህበረሰቡን እውቀት ለማሳደግ እና | በሽታውን ለመከላከል እና ድጋፍ ለመስጠት ህዝቡን| እያንቀሳቀሱበት ይገኛሉ፡፡